ఈ కథలో మనకు రెండు హత్యలు కనిపిస్తాయి. యూదా పెద్ద కొడుకు మరియు రెండో కొడుకును దేవుడు చంపేస్తాడు. మొదటి కొడుకు దేవుని దృష్టిలో చెడ్డవాడు కాబట్టి దేవుడు చంపేస్తాడు. రెండో వాడు వదినకు సంతానం ఇవ్వలేదు కాబట్టి దేవుడు చంపేస్తాడు. మామ గారు సంతానం ఇచ్చాడు కాబట్టి వదిలేస్తాడు.
ఈ కథలోని కొన్ని ఆసక్తికరమైన విషయాలు ఇప్పుడు చూద్దాం.
బైబిల్లోని కొన్ని కథలు మరియు నియమాలు చదివేటప్పుడు, యెహోవా దేవుడు కొన్ని నేరాలకు చూపిన తీవ్రత (Severity), అదే తరహా ఇతర నేరాల విషయంలో చూపిన ఉదాసీనత (Indifference) చాలా విచిత్రంగా కనిపిస్తుంది.
1. మరిది మరణం vs. మామ క్షమ: న్యాయంలో వైరుధ్యం
ఈ కథనంలో యెహోవా న్యాయం పాటించిన తీరులో స్పష్టమైన వైరుధ్యం ఉంది:
- మరిది శిక్ష (ఓనాను): అన్న ఏరు చనిపోయాక, అతని భార్య తామారుకు పిల్లలను పుట్టించాలనే ‘లేవిరేట్ వివాహ నియమాన్ని’ (Levirate Marriage Law) పాటించడానికి ఓనాను నిరాకరించాడు. తామారు ద్వారా పుట్టే పిల్లలు తన అన్న ఏరు వారసత్వంగా పోతారని తెలిసి, ఓనాను వీర్యస్కలనం భూమిపై చేశాడు.
- యెహోవా చర్య: ఈ నిరాకరణను యెహోవా “చెడ్డది”గా చూశాడు మరియు ఓనానును సంహరించాడు (ఆదికాండము 38:9-10).
- మామగారి క్షమ (యూదా): అదే కథనంలో, కోడలితో శయనించడం అనేది తర్వాతి కాలంలో దేవుడు మరణశిక్ష విధించదగిన నేరంగా ప్రకటించాడు (లేవీయకాండము 20:12). కానీ యూదా తామారుతో వ్యభిచారం చేసినా (ఆమెను వేశ్యగా భావించి) యెహోవా అతన్ని శిక్షించకుండా చూసీచూడనట్టు వదిలేస్తాడు.
విమర్శ: వారసత్వ నియమాన్ని ఉల్లంఘించిన మరిదిని వెంటనే చంపేసిన యెహోవా, తానే చంపాలని ప్రకటించిన అంతర్గత వ్యభిచారం (Incest) చేసిన మామగారిని ఏమీ చేయకపోవడం ఈ కథలోని అతి పెద్ద విచిత్రం. యెహోవా నియమాలు కేవలం కొంతమందికి మాత్రమే వర్తిస్తాయా అనే సందేహం ఇక్కడ సహజంగా కలుగుతుంది.
2. తామారు మరియు యూదా: ముసుగు వెనుక కామం
- భార్య చచ్చిన మామతో సంభోగం: తామారుకు పిల్లలను కనడానికి మరిది అయిన షేలా (Shela) ను ఇవ్వడానికి యూదా నిరాకరించాడు. పిల్లలను కనాలి అనే తన హక్కు కోసం, తామారు వేశ్యగా ముసుగు వేసుకుని, యూదా కూర్చునే మార్గంలో కూర్చుంటుంది. అప్పటికే భార్య చనిపోయిన మామ యూదా గుడి (తర్వాతి కాలంలో గుడి కాదు, మార్గంలో) దగ్గర కోడలితో శృంగారంలో పాల్గొనడం అత్యంత విడ్డూరం.
- యూదా యొక్క కామ లోపం: “ఎర్ర చీర కట్టున్నదల్లా నా పెళ్ళామే అన్నాడట” అన్న సామెత ఇక్కడ సరిగ్గా సరిపోతుంది. ముసుగు వేసుకోవడం వేశ్యల లక్షణం అని గుర్తించిన యూదా, ముసుగులో ఉన్నది తన ఇంట్లో జీవించిన కోడలే అని గుర్తించలేకపోయాడు.
- నైతిక విశ్లేషణ: ముఖం చూడకుండా, కంఠస్వరం గుర్తించకుండా కేవలం శారీరక వాంఛతో ముసుగు వేసుకున్న వ్యక్తి ఎవరో అని కూడా పట్టించుకోకుండా శృంగారానికి పాల్పడిన యూదా, ఎంతటి కాముకుడో ఈ సంఘటన తెలియజేస్తుంది. కొత్త నిబంధనలో యేసు చెప్పినట్లుగా, యూదా మానసికంగా వ్యభిచారం చేశాడనేది ఇక్కడ స్పష్టమవుతుంది.
3. ఫలితం: శిక్ష బదులు ఆశీర్వాదం
ఈ కథనం చివర్లో, దేవుని మరణశిక్ష పడాల్సిన యూదా, తామారులకు శిక్ష బడదు. బదులుగా, తామారు గర్భవతి అయి పెరెసు అనే కుమారుడిని కంటుంది. ఈ పెరెసు వంశంలోనే ఆఖరుకు యేసుక్రీస్తు జన్మించడం ఈ కథనానికి ఉన్న అతి పెద్ద ట్విస్ట్.
ఈ కథపై పార్టి విశ్లేషణ ఈ link లో చూడండి. మొత్తం ట్విస్ట్ లే!
మామతో పడుకున్న కోడలు -బైబిల్ కథ
https://biblexposer.com/judahtamarstory/