“ఆ గట్టునుంటావా నాగన్న, ఈ గట్టుకొస్తావా నాగన్నా!”
“నా గట్టునుంటే వదిలేస్తా … ఆ గట్టునుంటే చంపేస్తా!
ప్రియమైన వారిని చంపుకోవాలని దేవుని ఆదేశం: పక్షపాతానికి పరాకాష్ఠ
మునుపటి రక్త సువార్తలలో (జలప్రళయం, సొదొమ-గొమొఱ్ఱా, ఐగుప్తులో సంహారం) దేవుడు అందరినీ చంపాడు. కానీ ఈసారి, ఆయన తన సొంత మనుషులను ఒకరిపై ఒకరిని ఉసిగొల్పాడు. ఇది అత్యంత క్రూరమైన మరియు అనైతిక చర్యలలో ఒకటి.
1. బంగారు దూడ (Golden Calf) మరియు దొంగిలించబడిన బంగారం
మోషే సీనాయి కొండపై 40 రోజులు ఉన్నప్పుడు, ప్రజలు ఆందోళన చెందారు. మోషే తిరిగి రాడేమోనని భావించి, అహరోనును తమకు వేరే దేవుళ్లను చేయమని కోరారు.
- దొంగిలించిన ఆభరణాలు: ఆశ్చర్యకరంగా, అహరోను ప్రజలను వారి భార్యలు, కుమారులు మరియు కుమార్తెల చెవులలోని బంగారు పోగులను తీసుకురమ్మని ఆదేశించాడు. నిజానికి, ఈ బానిసల వద్ద ఇంత బంగారం ఎక్కడిదంటే, ఐగుప్తు నుండి వచ్చేటప్పుడు దేవుని ఆజ్ఞ మేరకే వారు ఐగుప్తీయుల వద్ద ఉన్న బంగారు, వెండి ఆభరణాలు మరియు వస్త్రాలను దొంగిలించారు (లేదా అడిగి తీసుకున్నారు, అన్యాయంగా ఆక్రమించుకున్నారు).
- మిరాకిల్ మేకింగ్: అహరోను ఆ బంగారాన్ని నిప్పులో వేస్తే, దానంతటదే బంగారు దూడ బయటకు వచ్చింది. ఇది దేవుడు (లేదా సాతాను) చేసిన అద్భుతంగా భావించారు. దేవుని ప్లాన్‌లో ఈ బంగారు దూడ తయారీ కూడా ఉందనే విమర్శ ఉంది.
2. నగ్న నాట్యం మరియు విషపూరిత జలం
మోషే పర్వతం నుండి దిగివచ్చి, ప్రజలు బంగారు దూడ చుట్టూ నగ్నంగా నాట్యం చేస్తుండగా చూశాడు. ఆగ్రహించిన మోషే:
- తీవ్ర శిక్ష: ఆయన పలకలను పగలగొట్టాడు. బంగారు దూడను కాల్చి, పొడి చేసి, నీళ్లలో కలిపి, ఆ నీటిని సుమారు 30 లక్షల మంది ఇశ్రాయేలీయులందరికీ త్రాగించాడు.
- వారు నిజంగానే నగ్నంగా నాట్యం చేశారా? లేక అన్య దేవతలను పూజించడాన్నిఒప్పుకోలేని బైబిల్ రచయితలు వారి నాట్యాన్ని అలా చిత్రీకరించారా? ఆలోచించాల్సిన విషయమే!
3. పక్షపాతపు నర వధ: స్నేహితులను చంపుకోవాలని ఆదేశం
బంగారు దూడను ఆరాధించినందుకు అసలు వధ ఇప్పుడే మొదలయ్యింది. మోషే నిలబడి ఇలా అడిగాడు: “యెహోవా పక్షమున నున్నవాడెవడు?” (Who is on the Lord’s side?).
- క్రూరమైన ఆజ్ఞ: మోషే ద్వారా ఇశ్రాయేలీయుల దేవుడు ఇలా ఆజ్ఞాపించాడు: “ప్రతివాడు తన కత్తిని నడుమునకు కట్టుకొని, పాళెములో ద్వారము నుండి ద్వారమునకు పోయి, ప్రతివాడు తన సహోదరుని, తన స్నేహితుని, తన పొరుగువాని చంపువలెను.” (నిర్గమకాండము 32:27)
- బంధు సంహారం: ఈ ఆజ్ఞను పాటించినవారు తమ స్నేహితులు, పొరుగువారు మరియు బంధువులలో సుమారు 3,000 మందిని చంపివేశారు. దేవుని వైపు ఉన్నామని నిరూపించుకోవడానికి, తమ రక్త సంబంధీకులను చంపేలా బలవంతం చేయబడ్డారు.
- పొరుగువాడిని ప్రేమించడం అంటే ఇదేనా? అబ్బో ఇది మామూలు ప్రేమ కాదు!
4. మోషే: దేవుడి కంటే దయగలవాడు
ఈ హత్యలు జరిగినప్పటికీ, దేవుడు సంతృప్తి చెందలేదు. మొదట ఆయన ప్రజలందరినీ చంపి, మోషేతో కొత్త జాతిని ప్రారంభిద్దామని అనుకున్నాడు.
- మోషే విన్నపం: మోషే దేవునితో వాదించి, “ఐగుప్తీయులు ఏమనుకుంటారు? ఆయన వారిని చెడు ఉద్దేశముతోనే (For mischief) బయటికి తీసుకొనివచ్చి, పర్వతాల మీద చంపి, భూమి మీద లేకుండా చేశాడని చెప్పుకొంటారేమో?” అని దేవుని కోపాన్ని తగ్గించాడు.
- విమర్శ: ఇక్కడ మోషే దేవుడి కంటే మెరుగైనవాడుగా, దయగలవాడుగా కనిపిస్తాడు. దేవుడు తన ప్రజలను రక్షించడానికి కాకుండా, తన గౌరవాన్ని (reputation) రక్షించుకోవడానికి మాత్రమే ఒప్పుకున్నట్లుగా ఈ సంఘటన విమర్శలకు దారి తీస్తుంది.
- అంతే కాదు దేవుడు ఇచ్చిన దశాజ్నల పలకలను మోసే విరగ్గొటడం దేవుడు అతడిని ఏమీ అనకపోవడం కూడా సందేహాలకు తావిస్తుంది.
ఈ సంఘటన ద్వారా దేవుడు పక్షపాతం చూపడమే కాక, తన కోపాన్ని తీర్చుకోవడానికి తన ప్రజల చేతనే బంధు సంహారం చేయించాడు, ఇది నైతికంగా తీవ్రమైన ప్రశ్నలను లేవనెత్తుతుంది.
