దేవుడు రాజ్యం ఇచ్చాడు, యుద్ధం చేయమన్నాడు. భయపడినవారిని చంపేశాడు.
ఒకరిని కాదు ఇద్దరిని కాదు. దాదాపు 30 లక్షల మందిని.
అబ్రహాముకి అతని వారసులకి కనాను ప్రాంతాన్ని వరంగా ఇచ్చాడు బైబిల్ దేవుడు. అలా అని బంగారు పళ్ళెంలో పెట్టి ఇచ్చేయడు. దానికోసం కూడా అబ్రహాము వారసులే యుద్ధాలు చెయ్యాలి. మరి దేవుడు ఏమి చేస్తాడు? తన మనుషులు చేసే యుద్ధంలో సహాయం చేస్తాడు. అంతే!
తాము యుద్ధంలో గెలిస్తే దేవుడి దయ, ఓడిపోతే తామే ఏదో పొరపాటు చేసి ఉంటాము అనుకోవడం ఇశ్రాయేలు వారికి మొదటి నుండి అలవాటే. ఎందుకు అంటే దేవుడిని తిడితే కళ్ళు పోతాయి. దైవ దూషణ నేరం కింద మరణ శిక్ష వేస్తారు. లేదా దేవుడే వచ్చి అందరినీ చంపేస్తాడు. ఇదీ ఇశ్రాయేలీయుల వరస.
ఇక అసలు విషయానికి వస్తే…
అబ్రహాముకు దేవుడు వాగ్దానం చేస్తాడు. ఏమని?
యెహోవా అబ్రామునకు ప్రత్యక్షమయి నీ సంతానమునకు ఈ దేశ మిచ్చెదనని చెప్పగా అతడు తనకు ప్రత్యక్షమైన యెహోవాకు ఒక బలిపీఠమును కట్టెను. (ఆదికాండము 12:7)
ఆ దినమందే యెహోవా ఐగుప్తు నది మొదలుకొని గొప్ప నదియైన యూఫ్రటీసు నది వరకు ఈ దేశమును, అనగా కేనీయులను కనిజ్జీయులను కద్మోనీయులను హిత్తీయులను పెరిజ్జీయులను రెఫాయీయులను అమోరీయులను కనానీయులను గిర్గాషీయులను యెబూసీయులను నీ సంతానమున కిచ్చియున్నానని అబ్రాముతో నిబంధన చేసెను. (ఆదికాండము 15:18-21)
నీకును నీతరువాత నీ సంతతికిని నీవు పరదేశివై యున్న దేశమును, అనగా కనానను దేశమంతటిని నిత్యస్వాస్థ్యముగా ఇచ్చి వారికి దేవుడనై యుందునని అతనితో చెప్పెను. (ఆదికాండము 17:8)
నిత్యస్వాస్థ్యముగా అంటే తెలుసుగా వారసత్వ సంపదగా పట్టా పేపర్ మీద రాసి ఇచ్చినట్టు రాసి ఇచ్చేశాడు అన్నమాట!
తర్వాత మోసే నాయకత్వంలో కనాను ప్రాంతాన్ని సొంతం చేసుకోవడానికి వెళతారు. అప్పుడు దేవుడు ఇలా అంటాడు:
ఆ దేశమును స్వాధీనపరచుకొని దానిలో నివసింపవలెను; ఏలయనగా దాని స్వాధీనపరచుకొనునట్లు ఆ దేశమును మీకిచ్చితిని. (సంఖ్యాకాండము 33:53)
మోసే కూడా అదే మాట అన్నాడు:
కాలేబు మోషే యెదుట జనులను నిమ్మళ పరచిమనము నిశ్చయముగా వెళ్లుదుము; దాని స్వాధీనపరచుకొందుము; దాని జయించుటకు మన శక్తి చాలుననెను. (సంఖ్యాకాండము 13:30)
ప్రత్యర్ధులు మనుషులను తినే రాక్షసులలాగా కనపడుతున్నారు అని ప్రజలు అన్నారు.
అప్పుడు మోసే ఇలా అన్నాడు:
మెట్టుకు మీరు యెహోవా మీద తిరుగబడకుడి, ఆ దేశ ప్రజలకు భయపడకుడి, వారు మనకు ఆహారమగుదురు, వారి నీడ వారి మీదనుండి తొలగిపోయెను. యెహోవా మనకు తోడై యున్నాడు, వారికి భయపడకుడనిరి. ఆ సర్వసమాజము వారిని రాళ్లతో కొట్టి చంపవలెననగా ప్రత్యక్షపు గుడారములో యెహోవా మహిమ ఇశ్రాయేలీయుల కందరికి కనబడెను. (సంఖ్యాకాండము 14:9-10)
“ఆ దేశంలోని ప్రజలను భయపడవద్దు; వారిని మనం తినివేస్తాం. వారిని రక్షించేది ఎవరు లేరు; యెహోవా మనతో ఉన్నాడు” (సంఖ్యాకాండము 14:9).
అప్పుడు యెహోవా …
తనను నమ్మని ప్రజలందరినీ ఒక్క వేటుతో చంపేస్తా అన్నాడు!
అప్పుడు మోసే దేవుడిని ఒక్క వేటుతో ప్రజలను చంపకు పరుగు పోతుంది అని దేవుడిని వారించాడు.
సంఖ్యాకాండము 14:12-13
నేను వారికి స్వాస్థ్యమియ్యక తెగులుచేత వారిని హతముచేసి, యీ జనముకంటె మహా బలముగల గొప్ప జనమును నీవలన పుట్టించెదనని మోషేతో చెప్పగా మోషే యెహోవాతో ఇట్లనెను ఆలాగైతే ఐగుప్తీయులు దానిగూర్చి విందురు; నీవు నీ బలముచేత ఈ జనమును ఐగుప్తీయులలోనుండి రప్పించితివిగదా; వీరు ఈ దేశనివాసులతో ఈ సంగతి చెప్పియుందురు.
సంఖ్యాకాండము 14:14-15
యెహోవా అను నీవు ఈ ప్రజల మధ్యనున్నావనియు, యెహోవా అను నీవు ముఖాముఖిగా కనబడిన వాడవనియు, నీ మేఘము వారిమీద నిలుచుచున్నదనియు, నీవు పగలు మేఘస్తంభములోను రాత్రి అగ్నిస్తంభములోను వారి ముందర నడుచుచున్నావనియు వారు వినియున్నారు గదా. కాబట్టి నీవు ఒక్క దెబ్బతో ఈ జనులను చంపిన యెడల నీ కీర్తినిగూర్చి వినిన జనములు ప్రమాణ పూర్వకముగా తాను ఈ జనులకిచ్చిన దేశమందు వారిని చేర్చుటకు శక్తిలేక యెహోవా వారిని అరణ్యములో సంహరించెనని చెప్పుకొందురు.
మోసే సలహా విని మరణ శిక్షను యావజ్జీవ శిక్షగా మార్చిన యెహోవా!
సంఖ్యాకాండము 14:22-23
నేను ఐగుప్తులోను అరణ్యము లోను చేసిన సూచక క్రియలను నా మహిమను చూచిన యీ మనుష్యులందరు ఈ పది మారులు నా మాట వినక నన్ను పరిశోధించిరి.
కాగా వారి పితరులకు ప్రమాణ పూర్వకముగా నేనిచ్చిన దేశమును వారు చూడనే చూడరు; నన్ను అలక్ష్యము చేసినవారిలో ఎవరును దానిని చూడరు.
సంఖ్యాకాండము 14:29
మీ శవములు ఈ అరణ్యములోనే రాలును; మీ లెక్కమొత్తము చొప్పున మీలో లెక్కింపబడినవారందరు, అనగా ఇరువది ఏండ్లు మొదలుకొని పైప్రాయము గలిగి నాకు విరోధముగా సణగినవారందరు రాలిపోవుదురు.
సంఖ్యాకాండము 14:30
యెఫున్నె కుమారుడైన కాలేబును నూను కుమారుడైన యెహోషువయు తప్ప మిమ్మును నివసింపజేయుదునని నేను ప్రమాణముచేసిన దేశమందు మీలో ఎవరును ప్రవేశింపరు; ఇది నిశ్చయము.
మొత్తానికి దేవుడు ఇస్తాడు అనుకున్న రాజ్యాన్ని పొందాలంటే యుద్ధం చెయ్యాలి అన్న చేదు నిజాన్ని, మరణ భయాన్ని అధిగ మించలేక డేవుని చేతిలోనే బలై పోయారు 30 లక్షల మంది ఇజ్రాయిల్ పూర్వీకులు.!
